Aksidentohet autobusi me 20 studentë në Kroaci, dy prej tyre kërkojnë ndihmë mjekësore

16:19 | 4 Mars 2024
E.H

Një autobus me 20 studentë është aksidentuar sot në Sisqani të Kroacisë.

Mediumi kroat Jutarnji shkruan se autobusi është përplasur në një kanal rrugor në Sisqani teksa në fotografinë e publikuar në Facebook shihet autobusi i “mbështetur” në një shtyllë, transmeton Arbresh.info.

Sipas komenteve të lexuesve, fëmijët kanë zbritur menjëherë nga autobusi dhe përveçse në gjendje shoku, askush nuk është lënduar rëndë.

Pavarësisht kësaj, në terren përveç policisë ka dalë edhe një autoambulancë.

Dy fëmijë të shoqëruar nga prindërit kanë kërkuar ndihmë mjekësore për shkak të dhimbjeve.

Nga kompania e autobusit thanë se shoferi tyre ishte munduar t’i ikte aksidentit me një veturë dhe më pas kishte goditur shtyllën.

Shpërndaje në rrjete sociale

Lajmet më të lexuara

Të ngjashme

Foto lajm